【回歸光影頌】何依婷周家洛齊變髮　戴耀明被江嘉敏連累頻NG

無綫特別推出《回歸光影頌》劇集系列，一共有5個單元劇及一套15集連續劇。明晚7月7日播出的第4個單元《神奇的燈泡》，由陳維冠（Joe）監製，主要演員有周嘉洛、江嘉敏、鄭子誠、戴耀明等，更有何依婷驚喜現身。

最新影片推介：Sica專訪

以「天馬行空」見稱的Joe，是次單元是一個關於「三個願望限定」及「神奇燈泡」的狂想曲，故事主旨除圍繞人性到底「本善」還是「本惡」進行探討外，更帶出了「只有識得放手，先至可以再次擁有」的小道理。

造型方面，無論是劇中神秘現身的依婷、抑或飾演外送員阿康的周嘉洛均十分搶鏡，前者「鬈髮孖辮」夠晒Cute，嘉洛的爆炸頭則新鮮感十足！

▼點擊圖片放大

+4

+3

嘉洛事後笑指「爆炸頭」造型全因想配合劇情：「就我個人對角色嘅認識以及對劇本嘅解讀，我唯一諗到個髮型同個劇本嘅關聯，就係『燈泡』同『爆炸頭』嘅形狀望落有少少似。」在《神奇》及下周開始播出的連續劇《回歸》中飾演重要角色的嘉洛，指不怕觀眾混淆兩個角色：「因為造型上有明確嘅分別！」

另外劇裡其中一幕子誠與小明的打交戲，該個場口拍攝相當認真，除了事前排練接近廿次外，演員們更因小明戴耀明吃了不少NG。

▼點擊圖片放大

+6

+5

小明事後受訪笑指真正的「罪魁禍首」是江嘉敏：「因為要拍出骨牌效應，又要跌得靚喎。咁前面嘉洛次次都跌得好靚嘅，但就每次都衰喺小弟身上。點解呢？係因為我好驚唔小心撞到後面江嘉敏嘅敏感部位，搞到我好大壓力同心理包袱。」

小明續說：「結果我NG到武指同導演都擰晒頭，最後只能夠同江嘉敏『講數』，叫佢將就吓大家把心一橫完成咗場戲佢，我好感激江嘉敏嘅專業。」

子誠則笑指「爛仔交最難打」：「混戰仲難過度好晒招式打！」